Dulquer Salmaan Will Not Be a Part Of Kammattipadam
മമ്മൂട്ടി ചിത്രമായ കസബക്കെതിരെ വിമർശനമുന്നയിച്ചതിനെ തുടർന്നുണ്ടായ വിവാദങ്ങള്‍ ഇതുവരെ കെട്ടടങ്ങിയിട്ടില്ല. നടി പാർവതിക്കെതിരെയുള്ള സൈബർ ആക്രമണം ഇപ്പോഴും തുടരുകയാണ്. പാർവതിയെ അനുകൂലിച്ചും പ്രതികൂലിച്ചും സിനിമാമേഖലയില്‍ നിന്നുള്ള നിരവധി പേർ രംഗത്തുവന്നിരുന്നു. ഏതായാലും മമ്മൂട്ടിയെ വിമർശിച്ചതിനുള്ള പണി ഇവർക്കെല്ലാം കിട്ടുമെന്ന് വേണം മനസ്സിലാക്കാൻ. പാര്‍വ്വതിയുടെ നിലപാടുകളെ പിന്തുണയ്ക്കുന്ന ന്യൂജനറേഷന്‍ സംവിധായകരുമായി മമ്മൂട്ടിയും ദുല്‍ഖറും ഇനി സഹകരിക്കില്ലെന്ന തരത്തിലും റിപ്പോര്‍ട്ടുകള്‍ പ്രചരിച്ചിരുന്നു. അത് ശരി വെക്കുന്ന തരത്തിലേക്കാണ് കാര്യങ്ങള്‍ നീങ്ങുന്നത്. രാജീവ് രവി സംവിധാനം ചെയ്ത കമ്മട്ടിപ്പാടത്തിന്റെ രണ്ടാം ഭാഗത്തില്‍ നിന്നും ദുല്‍ഖര്‍ പിന്‍മാറിയെന്ന തരത്തിലുള്ള പ്രചാരണങ്ങളാണ് സോഷ്യല്‍ മീഡിയയില്‍. ഏറ്റെടുത്ത സിനിമകള്‍ കാരണം താരപുത്രന് ഈ സിനിമയ്ക്ക് നല്‍കാന്‍ ഡേറ്റില്ലത്തതാണോ കാരണമെന്ന തരത്തിലുള്ള ചോദ്യങ്ങളും ഉയര്‍ന്നുവന്നിട്ടുണ്ട്.
